בעזרת ה' יתברך - ערב שבת קודש פרשת שמיני-ב, כ"ג ניסן, אסרו חג, מברכין אייר, שנת תשפ"ו לפרט קטן
... תחי'
איך האב ערהאלטן אייער בריוו.
דער סמ"ך מ"ם האט זיינע כיטרע שפיצלעך ווי אזוי אריינצונארן מענטשן אין זיין פאסטקע דורך זיך אהער שטעלן מיט פרומע לבושים, מיט צעדרייטע פרומע טונקעלע מחשבות; ביז יעצט האט איר גע'דאגה'ט אויף קינדער, יעצט האט איר אנדערע דאגות, שטותים ודמיונות וכו' וכו'.
עס פעלט אייך איין זאך, עס פעלט אייך 'שמחה'; איר דארפט פשוט אנהייבן זיין פרייליך, דאנקען און לויבן דעם אייבערשטן; אז איר וועט זיין פרייליך וועלן אלע דמיונות ושגעונות וואס איר האט געשריבן אינעם בריוו, און אויך וואס איר האט זיך געשעמט צו שרייבן – אלעס וועט בטל ווערן כעפרא דארעא.
הערט אויס שיעורים פון אמונה, הערט אויס שיעורים פון רבינ'ס ספרים, פון רבינ'ס שכל – וועט איר פארשפארן די אלע נארישע מחשבות.