בעזרת ה' יתברך
יום ב' פרשת אמור, י"ד אייר, פסח שני, שנת תשפ"א לפרט קטן
מרת ... תחי'
איך האב געהערט זייער שיינע זאכן אויף אייך; מיין ווייב תחי' זאגט מיר זי האט געזען ביי די פרויען צאמקום ווי שיין איר נעמט אויף אייער מאמע. אייער מאמע איז אנגעקומען אינמיטן די שיעור, איר האט זיך אויפגעשטעלט און איר געגעבן א גוטע פלאץ, מיט אזויפיל דרך ארץ.
דאס איז די שענסטע זאך וואס קען נאר זיין, צו זען ווי א קינד איז מכבד די עלטערן. ליידער זעט מען דאס נישט ביי אנדערע, נאך די חתונה פארגעסן די קינדער פון די עלטערן, אדער מאכט מען זיך ווי מען פארגעסט.
בזכות כיבוד אב ואם זאלט איר זוכה זיין צו אלע ברכות פון די תורה, "לְמַעַן יַאֲרִכוּן יָמֶיךָ (שמות כ, יא)".