תוכן השאלה
לכבוד דער ראש ישיבה שליט"א,
איך פרוביר די לעצטע שטיק צייט צו העלפן מענטשן מיט שידוכים. מיין ווייב האט א גוטע חבר'טע, 18 יאר אלט, וואס איז געווארן געטשעפעט דורך איר ברודער ווען זי איז געווען בערך 12-13 יאר אלט, מיין שאלה איז צי איך מעג אנטראגן א שידוך פאר איר? אפאר מאל זאגט זי אז זי וויל נישט חתונה האבן, און אפאר מאל זאגט זי אז זי האלט עס נישט אויס אז זי איז נאכנישט חתונה געהאט.
אויב איך ווייס אז ס'איז דא עפעס א פראבלעם דא, ווייס איך נישט אויב איך מעג ארייננארן א מענטש, וואס איז די ריכטיגע וועג?
איך מיין אז די מיידל דארף גיין פאר הילף, און ס'איז בעסער אויב זי גייט פאר איר חתונה.
יישר כח
תשובה מאת הראש ישיבה שליט"א:
בעזרת ה' יתברך
יום ד' פרשת בשלח, י' שבט, שנת תשפ"ב לפרט קטן
לכבוד ... נרו יאיר
איך האב ערהאלטן דיין בריוו.
אויב זי וויל חתונה האבן - דארף זי נישט קיין הילף; אויב זי וויל נישט חתונה האבן, זי האט מורא פון א מאן וכו', - דעמאלט וועט נישט העלפן קיין הילף.
זאג דיין ווייב זי זאל רעדן צו איר קלארע ווערטער, איר פרעגן: "האסט מורא חתונה צו האבן? ווילסט חתונה האבן?"
יעצט זעסטו אביסל וואס גייט פאר אין די וועלט, ווי מען דארף רעדן צו קינדער ווען זיי זענען יונג זיי זאלן זיך אכטונג געבן; די וועלט איז אזוי געפאלן אז א ברודער זאל טשעפען א שוועסטער השם ישמרינו.
דער אייבערשטער זאל אונז היטן פון מנולים.