בעזרת ה' יתברך - מוצאי שבת קודש פרשת וירא, י"ח מרחשון, שנת תשפ"ו לפרט קטן
טייערער ... נרו יאיר, בני ברק
איך האב ערהאלטן דיין בריוו.
זייער גוט האסטו געטון אז דו האסט אוועקגעווארפן די עלעקטעריק ציגארעטל, עס איז נישט גוט די עלעקטעריק ציגארעטל, מען ווערט אזוי צוגעקלעבט צו דעם, אז וואו מען גייט און וואו מען שטייט דארף מען דאס האבן השם ישמרינו.
דו שרייבסט: "איך האב אוועק געווארפן די עלעקטריק ציגארעטל נאך אסאך אסאך תפילות"; טאקע נאר אזוי קען מען זיך אפגעוויינען פון שלעכטס, נאר תפילה, מיט אסאך סבלנות, בעטן דעם אייבערשטן נאכאמאל און נאכאמאל און נאכאמאל.
איך האף צו זיין דיין שדכן.
דער אייבערשטער זאל העלפן זאלסט האבן הצלחה אין אלע ענינים.