בעזרת ה' יתברך - יום ד' פרשת תזריע, ב' ניסן, שנת תשפ"ד לפרט קטן
לכבוד מיין טייערער ליבער הרב ... נרו יאיר
פסח זאלסטו זיך פארלייגן נאר אויף איין זאך, אויף שמחה; און אז די מנהגים שטערן דיר פון זיין פרייליך – זאלסטו זיך ענדערש פארלייגן אויף זיין פרייליך; שמחה פארברענט די קליפות, שמחה איז די גרעסטע מדריגה צו וואס מען קען זוכה זיין.
פסח ווען די אידן זענען ארויס פון מצרים איז דאס געווען פון שמחה, משה רבינו האט אריינגעברענגט אין די אידן שמחה און ארויסגעריסן די עצבות וואס פרעה האט אריינגעברענגט. זאלסטו זיך זייער שטארקן נאר אויף די איין זאך, אויף שמחה; זיך פרייען אז דו ביסט א איד און אז דו עסט די הייליגע מצה, דו עסט נישט קיין חמץ, און חס ושלום נישט לאזן די ספיקות, בלבולים, מחשבות רעות – וואס קומט פון חכמות המדומות.
דאנק דעם אייבערשטן אויף דיין ווייב און דיינע ליכטיגע קינדער.
א פרייליכן יום טוב.