בעזרת ה' יתברך - יום א' פרשת נשא, ג' סיון, מ"ז לעומר, שנת תשפ"ד לפרט קטן
טייערער ... נרו יאיר
איך האב ערהאלטן דיין בריוו.
אויב דו האסט א טענה אויפן מנהל - איז ריכטיג זאלסט רעדן מיט אים און אים זאגן די טענה, און אז עס איז דיר שווער צו רעדן - זאלסטו דאס אראפשרייבן. וואלט דאס געווען א פרעמדער און דו האסט א טענה אז מען האט דיך אפגעזאגט פון מלמדות וואלסטו אויך געדארפט ענדיגן מיט שיינעם, זיכער ביים רבי'ן וואס מיר זיצן צוזאמען, מיר זענען ווי איין משפחה, ווי ברידער - דארפן מיר זיך דורכרעדן, און אז מען האט ווייטאג - דארף דאס ווערן אויסגעשמועסט.
דער אייבערשטער זאל העלפן זאלסט האבן הצלחה אין אלע ענינים.