בעזרת ה' יתברך - יום ה' פרשת וארא, כ"ג טבת, שנת תשפ"ה לפרט קטן
לכבוד מיין טייערער ... נרו יאיר
שטארק זיך בעבודת השם, שטארק זיך בלימוד התורה, אין שיעורים כסדרן אויפן סדר דרך הלימוד פון הייליגן רבי'ן; לערנען אפילו בלי הבנה (כמבואר בשיחות הר"ן, סימן עו).
איך ווייס עס איז דיר זייער שווער, דו דארפסט דיין שידוך, דו שפירסט ווי דו גייסט אראפ פון זין פון ווארטן אזוי לאנג, איך ווייס אז דו ליידסט, דו ווילסט זיין ערליך און אפגעהיטן, און עס איז דיר זייער שווער, דו פאלסט אראפ, דו ווילסט שוין אזוי שטארק חתונה האבן, לעבן א הייליג לעבן, א ריינע לעבן, איך בעט דיר זייער דערהאלט זיך, כי קרובה ישועתך לבוא, אט אט איז דיין ישועה.
גיי יעדן טאג אין א שטילע פלאץ און שמועס מיטן אייבערשטן, וויין צו אים: "באשעפער איך וויל חתונה האבן, באשעפער איך וויל זיין ערליך, איך ווייל זיין הייליג".