בעזרת ה' יתברך - יום ה' פרשת מטות מסעי, כ"ה תמוז, שנת תשפ"ו לפרט קטן
לכבוד מיין טייערע ליבער ארי פיש נרו יאיר
איך האב ערהאלטן דיין בריוו.
איך וויל דיר זייער בעטן אויב דו קענסט מיר אויך די יאר מאכן די יערליכע אנשי חיל קאמפיין, מיך ארויסצובעילן פון מיינע חובות וואס איך בין אריין פאר אונזער קהילה און אונזערע מוסדות.
איך ליג יעצט מיט חובות פון איבער פיר מיליאן דאלער; שטעל זיך פאר אז דו קומסט געלט פאר מענטשן, דו ביסט שולדיג פינף טויזנט דאלער, אדער לאמיר זאגן צען טויזנט דאלער; ווי אזוי שפירסטו אין דיין מח? שפירסט ווי עפעס דריקט? יעצט טראכט ווי אזוי און וואס טוט זיך אין מיין מח ווען איך קום חובות פון איבער פיר מיליאן דאלער פאר מענטשן; נישט פאר מיינע געברויכן נאר צו בויען די קהלה.
דערפאר בעט איך דיר, טו מיר א טובה און ווארעם אן די טייערע אנשי שלומינו אז אלע זאלן אנטיילנעמען און גיין נאך געלט, און זיך אנשליסן אין דעם יערליכן קאמפיין מיך ארויסצובעילן פון מיינע חובות, איך וויל דירעקט נישט נעמען די געלט פון אנשי שלומינו פערזענליך, איך וויל אז די תלמידים און די חברים זאלן עוסק זיין אין גיין נאך געלט. ווען מען גייט נאך געלט ווערט מען אינגאנצן מתוקן, עס איז דער גרעסטער תיקון פאר אלע נישט גוטע מעשים וואס מען האט געטון.
מוהרא"ש זאגט אין אשר בנחל צענדליגער מאל אז גיין נאך געלט, צאמנעמען צדקה פארן הייליגן רבינ'ס זאך - איז מתקן אלע עבירות.
לאז מיר וויסן וואס איך קען ארויסהעלפן אז די קאמפיין זאל זיין מיט הצלחה, און דער אייבערשטער זאל העלפן מיר זאלן זוכה זיין צו קענען פארשפרייטן דעם הייליגן רבי'ן פאר די גאנצע וועלט, אלע זאלן וויסן פון די ליכטיגע עצות, ווי אזוי מען קען לעבן דא אויף די וועלט און די קאפ זאל זיין ביים אייבערשטן, די קאפ זאל טראכטן פונעם אייבערשטן, מען זאל לעבן מיטן אייבערשטן. האבן א פרייליכע שטוב, האבן שלום בית, האבן געדולד צו די קינדער און לערנען די הייליגע תורה.
דער אייבערשטער זאל העלפן זאלסט האבן הצלחה אין אלע ענינים.