בעזרת ה' יתברך - יום ד' פרשת נצבים-וילך, כ' אלול, שנת תשפ"ו לפרט קטן
ישראל פוקס נרו יאיר
א גרויסן יישר כח פארן העלפן א גאנץ יאר.
יעצט ווען עס קומט חודש תשרי און עס איז דא מער ארבעט ווי א גאנץ יאר איז כדאי דו זאלסט ארבעטן מיט שלמה יאקאבאוויטש נרו יאיר, ער האט א שטארקע געפיל צו העלפן אין שול מיט קאכן עסן פאר די סעודות און מיט אויסטיילן וכו'.
אויך איז גוט דו זאלסט נעמען אפאר בחורים וואס זענען גרייט צו העלפן מיט א געטריישאפט, ווייל דו אליין וועסט נישט קענען מאכן די ארבעט בשלימות, עס קומט אן עולם און זאכן דארפן קלאפן, און אז דו וועסט האבן אפאר אינגעלייט און בחורים וואס זענען גרייט משמש זיין דורכאויס די הייליגע טעג - וועסטו קענען אהער שטעלן אז אלעס זאל קלאפן.
געב אכטונג אז ווען מען געבט עסן אין שול זאל די כשרות זיין אויפן העכסטן סטאנטארד; פלייש און יעדע פליישיגע מאכל קען נאר זיין פון 'ברסלב'ע פלייש', אדער פלייש פון 'קהילת סאטמאר'; קיין שום אנדערע פלייש קען נישט אריינקומען ביי אונז אין שול, אפילו מען באקומט עס אומזיסט וכו'; איך מאך דיך א שליח אז דו וועסט שטיין אויף דעם.
אויך זאלסטו פרעגן ביי אנשי שלומינו ווער עס וויל העלפן מנדב זיין די יארצייט סעודה און די אנדערע סעודות, איך געדענק ל"ג בעומר האסטו זייער שיין געמאכט, האסט סיי צאמגעשטעלט די געלט, און סיי געקאכט; עס האט געהאט אלע טעמים, איך האף אז חודש תשרי וועסטו אויך אלעס טון.
דער אייבערשטער זאל העלפן זאלסט האבן הצלחה אין אלע ענינים.
א כתיבה וחתימה טובה.