בעזרת ה' יתברך - יום ה' פרשת תרומה, כ"ט שבט, שנת תשפ"ה לפרט קטן
לכבוד מיין טייערער ... נרו יאיר, קרית ברסלב
איך פריי זיך זייער פאר די גוטע נייעס וואס דו האסט מיר נעכטן דערציילט, אז דו ברענגסט מער נישט אהיים דיין טעלעפאן, האסט אפגעטיילט די ארבעט פון די שטוב, זמן אפיס לחוד און זמן חינוך הבנים לחוד; די טעלעפאן איז נאר פאר די שעות וואס דו ביסט אין אפיס און אויך אז דו האסט געלייגט א שטארקע פילטער אין אפיס אויף די כלים.
דאס איז די שענסטע מתנה וואס מען קען מיר געבן, דאס איז מער חשוב ווי א זילבערנע כלי, יקרה היא מפנינים.
גיי יעדן טאג א שפאציר, שמועס זיך אויס דאס הארץ מיטן אייבערשטן, דאנק אים און לויב אים פאר אלע חסדים און אויך בעט פאר אלעס.