בעזרת ה' יתברך - ערב שבת קודש פרשת ויקרא, ו' ניסן, שנת תשפ"ה לפרט קטן
מיין טייערער ... נרו יאיר
ביי די הגדה זאגן מיר: "ועכשיו קרבנו המקום לעבודתו", אז מען ווייסט 'ועכשיו' מען קען שטענדיג אנהויבן פונדאסניי – 'קרבנו המקום לעבודתו', קען מען זוכה זיין צו דינען דעם אייבערשטן אן זיין נאנט צום אייבערשטן.
מיר פירן זיך אז אלע קינדער זאגן הויך די סימנים: "קדש ורחץ כרפס" און אזוי ווייטער, ביז מען קומט צו נרצה, און ביי נרצה זאגן די קינדער: "ווער עס טוט די אלע זאכן דער איז באוויליגט פארן אייבערשטן", מיר שמועסן מיט די קינדער ווי שטארק דער אייבערשטער האט אונז ליב, ווייל מיר האבן געטון די אלע זאכן, מיר האבן געגעסן די הייליגע מצה, מיר האבן געזאגט די הייליגע הגדה, דאס איז דאס וויכטיגסטע וואס מען דארף אריינבאקן אין אונזערע הערצער, אז דער אייבערשטער האט אונז ליב.
דער אייבערשטער זאל העלפן מיר זאלן זוכה זיין צו (פסחים קטז:): "וְנֹאכַל שָׁם מִן הַזְּבָחִים וּמִן הַפְּסָחִים"; און צו (מיכה ז, טו): "כִּימֵי צֵאתְךָ מֵאֶרֶץ מִצְרָיִם אַרְאֶנּוּ נִפְלָאוֹת", אמן.