בעזרת ה' יתברך
יום ד' פרשת כי תשא, ט"ו אדר א', שושן פורים קטן, שנת תשפ"ב לפרט קטן
לכבוד מיין טייערער ... נרו יאיר
היינט איז דרייסיג טעג פאר דעם הייליגן יום טוב פורים. אונזער רבי דער הייליגער רבי נתן זכותו יגן עלינו האט געזאגט, ווער עס וועט בעטן יעדן טאג - דרייסיג טעג פון פאר דעם יום טוב פורים: "הצילנו", באשעפער ראטעווע מיך, "מקליפת המן ועמלק", פון די טומאה פון המן הרשע און פון עמלק, - וועט זוכה זיין צו זען ביי מגילה ליינען מרדכי הצדיק און אסתר המלכה.
מען קען זיך נישט פארשטעלן צו וואס מען איז זוכה ווען מען בעט דעם אייבערשטן טאג נאך טאג: "הייליגער באשעפער, ראטעווע מיך פונעם יצר הרע, היט מיך פון עבירות, באשיץ מיך פון די קליפה און די טומאת המן ועמלק"; מען ווערט א גרויסער צדיק.
איך בעט דאס א גאנץ יאר; עס איז אזוי גוט, אזוי געשמאק - מיט די עצה פון התבודדות ותפלה. מען שפירט די טעם גן עדן נאך אויף די וועלט.
אשרינו שזכינו להתקרב לרבינו!