בעזרת ה' יתברך - יום ה' פרשת חקת, ה' תמוז, שנת תשפ"ד לפרט קטן
לכבוד ... נרו יאיר
איך האב ערהאלטן דיין בריוו.
בנוגע דיין פראגע, דיין טאטע איז אין שפיטאל, ער נעמט שווערע טריטמענטס, ווילסטו וויסן אויב דו זאלסט אויפהערן ארבעטן און זיין מיט אים, און אויב יא - ווי אזוי וועסטו קענען אויסהאלטן דיין משפחה?
מען קען טון ביידע; קענסט ווייטער ארבעטן און ברענגען פרנסה, און זיך מאכן צייט צו גיין באדינען דיין טאטע אין שפיטאל, און דיין ווייב זאלסטו בעטן רשות, און איר געבן צו פארשטיין אז דו דארפסט גיין אין שפיטאל העלפן דיין טאטע, און בקרוב וועט ער האבן א רפואה שלימה, וועסטו קענען צוריק קומען צום געהעריגן סדר.
בנוגע אויב צו זאגן פארן טאטן יא צו נעמען קימא טריטמענטס אדער נישט; דיין מצוה איז מכבד זיין דיין טאטע, און נישט זוכן איינצוטיילן וואס יא אדער נישט; דו זאלסט אים באדינען אזוי ווי מען באדינט דעם חשוב'סטן מענטש.
דער אייבערשטער זאל העלפן זאלסט האבן הצלחה אין אלע ענינים.