בעזרת ה' יתברך - יום ג' פרשת וישב, י"ט כסליו, שנת תשפ"ו לפרט קטן
... נרו יאיר
אז דיין ווייב וויל גיין שבת אין מירון מיט משפחה - פארוואס זאלסטו נישט גיין? דאס איז נישט סותר וואס מיר רעדן כסדר, ווייל דאס וואס דו הערסט ביי די שיעורים אז שבת איז גוט צו זיין אין שטוב - דאס איז געזאגט געווארן פאר דיר, פאר דיין מח, דו זאלסט וויסן וואס איז ריכטיג צו טון, דו זאלסט נישט זוכן צו לויפן וכו'; אבער אז דיין ווייב וויל גיין - אודאי זאלסטו גיין מיט איר.
אודאי איז דאס בעסטע און דאס געזונטסטע צו זיין אין שטוב שבת, עס איז געזונט פאר יעדן; פאר די עלטערן און פאר די קינדער, אבער אז די ווייב וויל אמאל גיין א שבת, ובפרט קיין מירון - וואלסטו יא געדארפט גיין, וואלטן ביידע פארדינט; זי וואלט געווען פרייליך צו זיין מיט איר משפחה, און דו וואלסט געקענט זיצן אין די מערה לערנען תיקונים און זאגן תהלים און זיך מתבודד זיין וכו' וכו'.
דער אייבערשטער זאל העלפן זאלסט האבן הצלחה אין אלע ענינים.