בעזרת ה' יתברך - יום א' פרשת עקב, י"ב מנחם-אב, שנת תשפ"ו לפרט קטן
... נרו יאיר
בנוגע וואס מיר האבן גערעדט...
אזא שאד פאר זיי, זיי גייען חתונה האבן, זיי גייען ברענגען קינדער; וואס מיינען זיי? אז מען איז נישט גורס טאטע מאמע, איך וויל נישט ארויסזאגן פון מויל, אבער זייערע קינדער וועלן דען יא רעדן מיט זיי? מען דארף דאך אזויפיל רחמי שמים ביים בויען א שטוב, איז פארוואס זאל מען נישט טון דעם ווילן פונעם אייבערשטן, מכבד זיין די עלטערן בעת השמחה; בזכות דעם וועט דער אייבערשטער מאכן מיט זיי ניסים ונפלאות.
מאך א התעוררות ביי די חברים, אנשי שלומינו, אלע זאלן זיך אנשליסן אינעם יערליכן קאמפיין מיר צו העלפן ארויסגיין פון די חובות, איך מאך די חשבונות וויפיל דו האסט מיר געברענגט די פאר יאר וואס מיר קאמפיינען פאר די מוסדות ברסלב, זע איך אז דו האסט געברענגט איבער פינף טויזנט דאלער, איך ווייס אז במשך די יארן האסטו שוין געברענגט חומש און מעשר, אסאך מער; דאך איז די סכום פון 5,155 מער באליבט ביי מיר, ווייל גיין נאך געלט איז אלעס מתקן, איך וויל דוקא מען זאל גיין נאך געלט.