בעזרת ה' יתברך - יום ב' פרשת ויחי, ט' טבת, שנת תשפ"ו לפרט קטן
... נרו יאיר, קרית יואל מאנרא
בנוגע דיין פראגע צו גיין צו א קורס וואס לערנט אויס שלום בית וכו'.
לדעתי, נאכן מקורב ווערן צום רבי'ן, האט קיינער נישט וואס צו מוסיף זיין, נאכן מקבל זיין פון רבי'ן ווי צו לעבן אין שטוב אן חומרות און אן פרישות, נאר מיט ליבשאפט און מיט רחמנות האבן אויף די ווייב, מכבד זיין די ווייב; איז וואס קענסטו מער באקומען?
ליבער ..., דער רבי האט געזאגט (חיי מוהר"ן, סימן רס): "ווער עס האט מיך טועם געווען, קען מען שוין נישט אפנארן"; אז דו האסט שוין טועם געווען פון רבי'ן, איז וואס נאך קענסטו הערן? דארפסט נאר אנהייבן צו ניצן די עצות פון רבי'ן, גיין יעדן טאג התבודדות, נעם דיין קאר און ווען דו פארסט אינדערפרי זאלסטו פארמאכן די פענסטערס און שרייען קולי קולות: "רבונו של עולם העלף מיר, איך דארף א ישועה, דער יצר הרע ברענט אין מיר, איך זינק אין בלאטע, איך טו וויי מיין נשמה, איך טו וויי די שכינה"; אין די קאר קען מען אזוי גוט שרייען, מען קען זיך אזוי גוט אויסגיסן דאס הארץ אן דעם וואס איינער זאל וויסן, אן דעם וואס מען זאל הערן.
אויך זאלסטו זיך באנייען מיט לערנען יעדן טאג ח"י פרקים משניות.
איך פאר יעצט קיין ארץ ישראל, די פליגער ווארפט זיך שרעקליך, עס איז נישט מעגליך ווייטער צו שרייבן.