בעזרת ה' יתברך - יום ד' פרשת אמור, ט"ז אייר, ל' לעומר, שנת תשפ"ה לפרט קטן
לכבוד מיין טייערער ... נרו יאיר
יעצט ווען מען קוועטשט דיך צום אייבערשטן, די פרנסה ווערט ווייניגער – זאלסטו גיין שרייען צום אייבערשטן: "הייליגער באשעפער איך דאנק דיך פאר אלעס, שכח פאר אלע יארן ווען די פרנסה איז געפארן גאר גוט, יעצט גייט שוין נישט ווי אמאל, עס ווערט מער און מער טרוקן, העלף מיר איך זאל קענען מפרנס זיין מיין משפחה".
טייערער ברודער, יעצט ווען עס דרוקט איז גאר אן אנדערע התבודדות, דער רבי זאגט, ווען א מענטש איז בצער ובדוחק שרייט ער גאר אנדערש, ער שרייט מעומקא דלבא, פון טיפעניש פון הארץ. זאלסטו אזוי טון, גיין אין א ליידיגע ארט, אדער אין דיין קאר, אדער א שפאציר אין פעלד, און שריי: "רבונו של עולם, דו ביסט הזן ומפרנס לכל, די געלט קומט פון דיר, איך בעט דיר ברחמים ובתחנונים א מתנת חנם, געב מיר שפע, איך זאל קענען מפרנס זיין מיין פאמיליע בנחת ולא בצער וכו'".
איך בין אין מירון, איך בעט פאר דיר.