בעזרת ה' יתברך - יום ג' פרשת תזריע מצורע, ב' דראש חודש אייר, ט"ז לעומר, שנת תשפ"ה לפרט קטן
מיין טייערער ... נרו יאיר
איך האב ערהאלטן דיין בריוו.
גיי נישט אריין ארבעטן אין אפיס נאר נאכן הערן פון די אפיס אז עס איז דא א גאר גוטע פילטער, געב אכטונג אויף דיין נשמה.
אויך זאלסטו אנהויבן דיין טאג מיט התבודדות, וועט דיר זיין די ארבעט זייער געשמאק. עס איז נישט קיין פארגלייך א מלמד אדער מנהל וואס הויבט אן דעם טאג מיט התבודדות, ווי דער וואס גייט צו די קינדער אן התבודדות. טו עס, וועסטו זיך אליין איבערצייגן די גוטע געשמאקע געפיל פון מחנך זיין קינדער נאכן זיך מתבודד זיין.
דער אייבערשטער זאל העלפן זאלסט האבן הצלחה אין אלע ענינים.
א גוטן חודש.