בעזרת ה' יתברך
יום ה' פרשת ויגש, ה' טבת, שנת תשפ"ב לפרט קטן
לכבוד מיין טייערער ... נרו יאיר ברסלב, ליבערטי
איך מוז אייך זאגן די גוטע גרוס וואס איך באקום פון די טיטשערס אויף אייער טאכטער ... תחי'.
אלע זאגן אז זי איז אן אויסנאם מיידל, פול מיט דרך ארץ און אזוי דערוואקסן; דער אייבערשטער זאל העלפן זי זאל בקרוב טרעפן א גוטע שידוך און ברענגען פאר אייך נאר נחת.
...
דא האט איר א בריוו פאר אייער טאכטער:
די חשוב'ע תלמידה ... תחי', תלמידה בית פיגא קרית ברסלב, ליבערטי
מיר באקומען זייער גוטע גרוסן אויף אייך, אייערע טיטשערס זאגן אויף אייך נאר גוטס; א גרויסן יישר כח פאר'ן זיין וואויל אין סקול, איר מאכט מיר אסאך נחת און דאס געבט מיר כח.
באזונדער קומט אייך א יישר כח פאר'ן שטענדיג זיין גרייט צו זיין די בעל תפלה אין קלאס. עס זענען דא קינדער וואס האבן א 'שטיק' פון נישט וועלן זיין בעל תפלה; איין מיידל זאגט אז זי וויל נישט זיין חזן, און אסאך מיידלעך טאנצן איר נאך, מיינענדיג אז ווער עס טוט די שטיק - ווערט גרעסער. די טיטשער זאגט מיר אז איר זענט שטענדיג גרייט צו זיין חזן, מן הסתם ווייסן נישט די מיידלעך וואס דער רבי זאגט (ספר המדות אות בנים, סימן סג): "הַתְּפִלָּה שֶׁמִּתְפַּלְּלִין לִפְנֵי הָעַמּוּד בִּנְגִינָה הִוא סְגֻלָּה לְבָנִים", זיין א חזן, א בעל תפלה - איז מסוגל פאר קינדער.
דער אייבערשטער זאל העלפן איר זאלט זוכה זיין צו טרעפן א גוטע שידוך און אויפשטעלן ערליכע דורות.
ווייזט דעם בריוו פאר אלע תלמידות.