בעזרת ה' יתברך - יום ה' פרשת שלח (קרח בא"י), כ"ו סיון, שנת תשפ"ו לפרט קטן
... נרו יאיר, מאנסי
"אומאן אומאן ראש השנה, אומאן אומאן ראש השנה"; מען גרייט זיך שוין אויפן הייליגן רבינ'ס ראש השנה, די וואך בענטשט מען ראש חודש תמוז, די דורשי רשומות זאגן, תמו"ז איז די ראשי תיבות: ז'מני ת'שובה מ'משמשין ו'באין, מען קומט שוין נענטער צום הייליגן רבינ'ס ראש השנה.
די יאר וועל איך נישט פארן מיט די טשארטער.
זע צו מאכן נסיעות פאר אנשי שלומינו צו קומען צום הייליגן רבי'ן, זעט מען זאל פארן גרופעס גרופעס, מען זאל פארן אינאיינעם, אזוי איז מען אפגעהיטן פון די סכנה פון די וועגן.
לייג זיך אריין ראשו ורובו אין פארשפרייטן דעם רבינ'ס עצות און לימודים, נעם מאנסי פאר דיר פאר הפצה, לייג אין אלע שולן, אין אלע ישיבות וכוללים – די שיינע גליונות וואס געבט מוט צו לעבן; די עצות, שכל און התחזקות פון הייליגן רבי'ן איז פקוח נפש ממש, עס מאכט תחיית המתים, עס בלאזט אריין א חיות אין די עצמות יבישות, לייג אריין דיינע כוחות אין זאכן וואס וועט בלייבן מיט דיר בעולם הבא.