בעזרת ה' יתברך
יום ד' פרשת צו, י"ג אדר ב', תענית אסתר, שנת תשפ"ב לפרט קטן
מרת ... תחי', ברסלב ליבערטי
איך בין זייער פארשעמט פון אפאר מיידלעך פון בית פיגא, נעכטן האבן זיך ארויפגעשטופט אפאר מיידלעך אויפ'ן באס וואס איז ספעציעל צוגעשטעלט פאר די סעקרעטעריס און טיטשערס, זיי האבן צוגעכאפט די פלעצער פון די עלטערע פרויען. קומט ארויף א פרוי מיט פיצלעך קינדער נאכן ארבעטן שווער א גאנצן טאג פאר'ן מוסד, זי ווארט, אפשר וועט זיך איינער אויפשטעלן, אבער קיינער שטעלט זיך נישט אויף, ביז אינמיטן וועג איז זי אראפגעפאלן און גע'חלש'ט, און קיינער האט זיך נאכאלץ נישט אויפגעשטעלט; איך האב נישט וואס צו זאגן, איך האב נישט וואס צוצולייגן.
איין זאך קען איך אייך זאגן, דרך ארץ קומט פאר לערנען תורה, דאס איז די ערשטע זאך וואס מען דארף אויסלערנען קינדער, זיי זאלן האבן דרך ארץ פאר עלטערע, האבן א געפיל און רחמנות פאר מאמעס מיט פיצלעך קינדער.