בעזרת ה' יתברך
ד' פרשת בהעלותך, י"ז סיון, שנת תשפ"ב לפרט קטן
לכבוד מיין טייערער ... נרו יאיר ברסלב ליבערטי
איך בין פרייליך ביז גאר צו הערן די גוטע נייעס אז דו קומסט ארבעטן פאר אונזער קרן הדפסה, דו גייסט העלפן פארשפרייטן "אן ליין" די זיסע עצות, די ווארעמע חיזוקים פון הייליגן רבי'ן.
אויך וויל איך דיר מכבד זיין מיט'ן זיין גבאי אין בית המדרש מקור השמחה. יעדע שול דארף האבן לכל הפחות צוויי גבאים, מיר האבן שוין ר' ... נרו יאיר, מיר דארפן נאך א גבאי צו העלפן מסדר זיין דעם בית המדרש, טראגן די אחריות פונעם שול, מכבד זיין די געסט, איינטיילן עליות פאר אלע מתפללים און אכטונג געבן אויף די קינדער, זיי זאלן זיין אונטער השגחה.
אגב, הגבהה איז נישט קיין כיבוד; ביי אונז איז דא איינער אדער צוויי וואס נאר זיי גייען הגבה. מוהרא"ש האט אויף דעם זייער אכטונג געגעבן, נישט צוצושיקן אבי וועם צו גיין הגבה.