בעזרת ה' יתברך - ערב שבת קודש פרשת במדבר, כ"ח אייר, שנת תשפ"ו לפרט קטן
לכבוד מיינע טייערע ליבע אנשי שלומינו, תלמידי היכל הקודש פון ירושלים
אזוי ווי איינע פון די גבאים האבן זיך אוועק געצויגן פון ירושלים קיין בית שמש וויל איך ממנה זיין אין אונזער שול א נייער גבאי, האברך היקר ישראל יוזשעף נרו יאיר וואס וועט פירן די שול אינאיינעם מיט ר' יצחק שמואל פרענקל נרו יאיר.
טייערע ליבע ברידער, געדענקט אז די הצלחה פון א שול איז נישט א גוטע בעל דרשן, א גוטע פארלערנער און גוטע חזנים, נאר איין זאך דארף מען אין א שול - ליבשאפט און אחדות, און דער רבי האט אונז געזאגט, אז מיר וועלן זיך ליב האבן וועט מען אים ממשיך זיין דארט (חיי מוהר"ן, סימן קפז), און אז מען רעדט דעם רבינ'ס ווערטער און מען גלייבט אין רבי'ן - קען מען שפירן א לויטערע לופט, ווייל דער רבי איז דארט.
שטארקט אייך מיט הפצה, יעצט קומט דער יום טוב שבועות, די הייליגע חכמים זאגן (סוטה לז:), ביי קבלת התורה האבן די אידן מקבל געווען ערבות איינער צום צווייטן; דעריבער ליגט אויף אונז א פליכט, מיר דארפן זיך מוסר נפש זיין צו פארשפרייטן דעם רבינ'ס ספרים פאר אנדערע, בפרט אין ארץ ישראל וואו די ערב רב האבן גענומען מיליאנען אידן און זיי אויסגע'שמד'ט, מיליאנען אידן זענען דערווייטערט פון די תורה, און זייער נשמה שרייט, זייערע נשמות וויינען: "מיר וויל צוריק קומען צום אייבערשטן"; און מיטן רבינ'ס ספרים, מיטן רבינ'ס עצות, מיט די ספרים פון מוהרא"ש - קען מען זיי אלע מחזיר זיין לתשובה.
א גוט שבת.