בעזרת ה' יתברך
ד' פרשת בחוקותי, כ"ה אייר, מ' לעומר, שנת תשפ"ב לפרט קטן
לכבוד מיין טייערער ... נרו יאיר
אוודאי קענסטו איר זאגן זי זאל נישט גיין אויסגעשניטן; וואויל איז דער וואס זאגט פאר זיין ווייב צו גיין אנגעטון שיין און איידל.
זאג עס איר אויף א שיינעם וועג כדי זי זאל עס אננעמען פון דיר. זי איז זייער א וואוילע, ווייסט דאך, דער יצר הרע קומט צו יעדן איינעם מיט אנדערע נסיונות; זי וויל זיין וואויל, זי האט נאר די רייץ וואס מאכט זיך ביי יונגע קינדער.
בעט דעם אייבערשטן אז אלעס זאל זיין גוט, זאלסט גיין צו די חתונה בשעה טובה ומוצלחת און אויפשטעלן א שיינע שטוב.
אז איר וועט פרעגן יעדע זאך ענקער מורה דרך - וועט איר נישט פארקריכן.
שרייב מיר וויפיל דו לערנסט.