בעזרת ה' יתברך
יום ה' פרשת עקב, כ' מנחם-אב, שנת תשפ"א לפרט קטן
לכבוד מיין טייערער ... נרו יאיר
איך דאנק דיר זייער פאר'ן העלפן אזוי געטריי אהערצושטעלן די פלעי וואס בית פיגא טוט פארשטעלן דעם זומער, פון די מעשה פונעם בן מלך ובן השפחה וואס האבן זיך פארטוישט (סיפורי מעשיות, מעשה יא); די מעשה האט דער הייליגער רבי דערציילט, די מעשה איז אנגעפילט מיט סודות התורה, עס ליגט באהאלטן אין די מעשה זאכן וואס נאר משיח וועט מגלה זיין.
וואס מיר קענען ארויסנעמען פאר אונזער לעבן, אז מיר זאלן זיך נישט מייאש זיין אפילו מיר זענען אזוי אראפגעפאלן אזוי ווייט, אזוי ווי דער בן מלך איז געפאלן – זאלן מיר געדענקען אז מיר קענען נאך זוכה זיין אלעס צו פאררעכטן און צוקומען צו די גרעסטע מדרגה.
געב איבער א גרויסן יישר כח פאר דיין ווייב פאר'ן העלפן די פלעי זאל זיין מסודר מיט אלעס וואס מען דארף.
די פלעי איז נאך א רינג אין הפצה; די אלע משפחות וואס קומען דאס זען און די אלע וואס גייען זען די פלעי אפגעכאפטערהייט – וועלן קומען א טריט נענטער צום רבי'ן, זיי וועלן אויסהערן די עצות און חיזוק, און זיך דערנענטערן צום אייבערשטן.
זע צו מחזק זיין ... נרו יאיר, ער זאל זיך מזרז זיין ארויסצוגעבן נאך און נאך בענדער עצתו אמונה.