בעזרת ה' יתברך
יום ד' פרשת צו, ז' ניסן, שנת תשפ"ג לפרט קטן
לכבוד מיין טייערער ליבער ... נרו יאיר ברסלב, ליבערטי
יעצט ווען מיר גרייטן זיך צום הייליגן יום טוב פסח און מיר דארפן טראכטן בכל דור ודור אז מיר אליינס זענען ארויס פון מצרים, וויל איך דיר דאנקען פארן מיך מקרב זיין צום הייליגן רבי'ן.
דו ביסט געווען דער ערשטער וואס דו האסט מיך צוגערעדט צו קומען דאווענען אין היכל הקודש, דו האסט א חלק אין מיין יציאת מצרים. דו האסט מיך געברענגט צו מוהרא"ש זכותו יגן עלינו וואס האט מיך געשפאלטן דעם קאפ, מיך ארויסגענומען פון מצר-ים און מיר געלערנט פה-סח, רעדן צום אייבערשטן.
דער אייבערשטער זאל דיר העלפן זאלסט זען נחת ביי דיינע קינדער און עס זאל זיך ציען שיינע דורות פון זיי, קינדער און אייניקלעך, עד ביאת גואל.
א פרייליכן יום טוב.