בעזרת ה' יתברך - יום ב' פרשת ויגש, ו' טבת, שנת תשפ"ד לפרט קטן
לכבוד ... נרו יאיר, גבאי בית המדרש היכל הקודש
איך האב ערהאלטן דיין בריוו.
די יאר געפאלט די פאסט טאג עשרה בטבת אום ערב שבת, רעכנט מען אויס צו דאווענען פריער אז מען זאל ענדיגן פריער כדי די מתפללים זאלן אנקומען אהיים און זינגען זמירות, און ביים זמן פון אויספאסטן גלייך קידוש מאכן.
מען דאווענט מנחה ערב שבת אזוי ווי אלע וואכן, מען ליינט די קריאה פון ויחל אזוי ווי דער רמ"א פסק'נט, אויך זאגט מען די הפטורה און עננו. אבער אבינו מלכנו און תחנון זאגט מען נישט (משנה ברורה סימן תק"נ, סעיף קטן יא).
עס איז כדאי צו מודיע זיין פאר די מתפללים אז מען וועט דאווענען פריער ווי געווענליך אז מען זאל קענען אויספאסטן ביים זמן.
דער אייבערשטער זאל העלפן זאלסט האבן הצלחה אין אלע ענינים.