בעזרת ה' יתברך
ערב שבת קודש פרשת ויחי, י"ג טבת, שנת תשפ"ב לפרט קטן
... תחי'
איך האב ערהאלטן אייער בריוו.
איך פריי זיך זייער צו הערן די גוטע גרוסן פון אייך, אז איר האט ליב בית פיגא סקול, איר האט ליב אייערע לערערינס. איך פריי זיך צו הערן אז איר זאגט תהלים, איר האט יעצט מסיים געווען די צווייטע מאל תהלים.
זייט קלוג, זייט דערוואקסן. האלטס מיט די סדר פון סקול; איך הער פון די טיטשערס אז מיידלעך פון די פינפטע קלאס פירן זיך אויף זייער קינדיש, אנשטאט מיטהאלטן וואס די טיטשערס זאגן - זוכן זיי צו טון פארקערט; בעט איך אייך זייער איר זאלט זיין פון די מיידלעך וואס האלטן אלעס מיט.
אין וויליאמסבורג סקול טאנצן די מיידלעך יעדן טאג מיט מוזיק, די מיידלעך האבן דאס זייער ליב, זיי ווארטן צו טאנצן; איך ווייס נישט פארוואס די מיידלעך פון די פינפטע קלאס אין שטעטל ווילן נישט זיין א חלק פון בית פיגא, זיי ווילן נישט טאנצן; זיי טוען א גאנצע טובה און טאנצן מיט, אזוי אויך דאס דאווענען איז א גאנצע טובה צו פאלגן די טיטשער.
איך שרייב אייך צוריק ווייל אייערע טיטשערס זאגן מיר אז איר זענט א דרך ארץ'דיגע מיידל, איר זענט א קלוגע מיידל; איך האף צום אייבערשטן אז אלע מיידלעך וועלן אייך נאכטון.
א פרייליכן שבת.