בעזרת ה' יתברך - ג' פרשת תזריע, ב' ניסן, שנת תשפ"ד לפרט קטן
לכבוד מיין טייערער ... נרו יאיר, קרית ברסלב
א גרויסן יישר כח פארן מחזק זיין דיין ווייב זי זאל רופן די מנהלת זיך אדורכשמועסן ווען עס שטערט איר עפעס פון 'בית פיגא' און נישט מאכן א העצעריי צווישן די עלטערן.
מיר ארבעטן זייער שווער צו געבן די בעסטע חינוך וואס איז שייך, און מיר זענען גרייט צו הערן וואס מען קען פאררעכטן, און אז מען באמערקט זאכן וואס מען האלט עס איז נישט ריכטיג - איז ריכטיג צו קומען אויסשמועסן מיט די מנהלת, און אז מען שמועסט אויס און מען שפירט נאכאלץ אז זאכן זענען נישט ריכטיג - בין איך גרייט צו הערן און פרובירן צו מאכן גוט, אבער אז מען רופט אן די עלטערן איינער דעם צווייטן און מען העצט אויף די מוסד - דאס איז זיכער נישט ריכטיג; עס מאכט קאליע סיי פאר די מוסד און אויך פאר די קינדער.
שטארק זיך מיט תפילה והתבודדות, הויב אן דיין טאג מיט א קליינע שפאציר, רעדן צום אייבערשטן - וועסטו שפירן טעם גן עדן.
דער אייבערשטער זאל העלפן זאלסט האבן הצלחה אין אלע ענינים.