בעזרת ה' יתברך - יום ה' פרשת משפטים, כ"ה שבט, שנת תשפ"ו לפרט קטן
... נרו יאיר
איך ווייס אז דו ביסט צעבראכן אויף פיצ-פיצלעך, דיין הארץ איז צעשניטן און צעריסן, שוין אזוי לאנג וואס דו ווארטסט אויף דיין שידוך, אזוי לאנג וואס דו ווילסט שוין זיין חתונה געהאט, זיין הייליג, זיין אפגעהיטן, און נאכאלץ ביסטו אזוי אליין.
דאך בעט איך דיר ליבער ..., חזק ואמץ, שטארק זיך, פאל נישט אין יאוש, שטארק זיך מיט בטחון, שטארק זיך מיט תפילה. דער הייליגער רבי זאגט (ספר המדות אות רחמנות חלק א, סימן יא): "עַל יְדֵי בַּקָּשַׁת הָרַחֲמִים", דורך בעטן דעם אייבערשטן ער זאל רחמנות האבן, "זוֹכֶה לַעֲשֹוֹת שִׁדּוּכִים טוֹבִים הֲגוּנִים", איז מען זוכה צו טון שידוכים.
נאר איין זאך זאלסטו זיך פארנעמען, אז מען וועט דיר רעדן א שידוך זאלסטו אוועק לייגן אלע חכמות, זיך נישט קלויבן און נישט זאגן ניין, נאר ארויסגיין רעדן, און טראכטן פון איין זאך, אז מען דארף טון רצון הבורא, חתונה האבן און ברענגען קינדער פארן אייבערשטן.
וואויל איז דעם וואס לייגט אוועק זיינע אייגענע רצונות פאר רצון הבורא.