בעזרת ה' יתברך - יום א' פרשת ויגש, ה' טבת, שנת תשפ"ד לפרט קטן
... תחי'
איך פריי זיך זייער צו הערן אז איר זאגט תהילים יעדן טאג, און פונעם באקומען דעם פאריגן בריוו פאראיאר – האט איר שוין געזאגט זעקס און צוואנציג מאל ספר תהילים; יעצט, די יאר, ווילט איר וויסן וואס זיך פארצונעמען לכבוד אייער געבורטסטאג.
די יאר זאלט איר זיך פארנעמען – לכבוד די געבורטסטאג – צו זאגן יעדן טאג די דרייצן "אני מאמין"; אין אנהויב וועט עס זיין א נייע זאך, אבער מיט די צייט וועט דאס ווערן א חלק פון אייער לעבן, איר וועט דאס קענען פון אויסנווייניג, עס וועט ווערן איינגעקריצט אין אייך.
הערט לעבעדיגע מוזיק, טאנצט און שפרינגט, ווייל שמחה איז די לייטער צו קומען צו די העכסטע פלאץ. דער הייליגער אריז"ל זכותו יגן עלינו האט מגלה געווען אז ער איז געקומען צו זיינע מדריגות דורך שמחה.