בעזרת ה' יתברך - יום ד' פרשת בלק, י"ג תמוז, שנת תשפ"ה לפרט קטן
מיין טייערער ... נרו יאיר
איך האב ערהאלטן דיין בריוו.
איך פריי זיך צו הערן די גוטע גריסן אויף דיר ווי דו לערנסט און דאווענסט און פירסט זיך מיט יראת שמים.
בנוגע דיין פראגע אויב דו זאלסט שוין יעצט בעטן פאר א גוטע שידוך אדער ווארטן ביז דו ווערסט עלטער; דער ענטפער איז, זיכער שוין יעצט בעטן פאר א גוטע שידוך.
דער הייליגער רבי פון סאטמער זכותו יגן עלינו האט אמאל געזאגט פאר א פארפאלק ווען זיי זענען געקומען בעטן וואס זיי קענען טון פאר גוטע ערליכע קינדער: "ענק וואלטן געדארפט אלע אייערע יארן, דו אלס בחור אין ישיבה און איר אלס מיידל אין שולע - בעטן און וויינען פאר גוטע ערליכע דורות"; זעט מען פון דעם אז אלע יארן דארף מען בעטן פאר א גוטע שידוך און פאר ערליכע דורות.
דער אייבערשטער זאל העלפן זאלסט האבן הצלחה אין אלע ענינים.