בעזרת ה' יתברך - יום א' פרשת נשא ב' (בהעלותך בא"י), ח' סיון, אסרו חג, שנת תשפ"ו לפרט קטן
... נרו יאיר, קרית ברסלב
חינוך איז נישט קיין גרינגע זאך, עס נעמט אסאך כח צו מחזק זיין די קינדער, אבער עס לוינט זיך; נאר אז מען איז מחנך די קינדער און מען איז מתפלל פאר זיי – איז מען זוכה צו זען פון זיי נחת.
דער עיקר פון חינוך איז איבערזאגן מיט סבלנות אן א שיעור מאל, לערנען די קינדער ווי אזוי זיך צו פירן; אמאל זאגט מען ווייך, אמאל שטרענג, אמאל מאכט מען א פראגראם אז נאך כך וכך מאל טון די גוטע זאך וואס מען וויל ביי זיי פועל'ן – וועט מען באלוינען וכו', און אמאל דארף מען קנס'נען; הכלל, חינוך איז טאקע נישט גרינג, עס נעמט די כוחות פון די עלטערן, אבער עס צאלט זיך אויס.
בנוגע די שכנים וכו'; דו לערן דיינע קינדער צו טון וואס איז ריכטיג, און אז די קינדער פון די שכנים טוען אנדערש – איז דאס נישט קיין תירוץ.
ובנוגע דער קינד וואס באזייטיגט דיינע קינדער וכו'; זיי אים משחד, געב אים גוטע ווערטער, כבוד, נאש וכו'.
בנוגע שותפות וכו'; מוהרא"ש איז געווען קלוגער פון אונז אלע און אונז געלערנט נישט צו מאכן קיין שותפות.