בריוון פונעם ראש ישיבה שליט"א

#1 - א טובה טון א צווייטן, נאר דאס בלייבט פונעם מענטש
הפצה, צדקה, רענט

בעזרת ה' יתברך


יום א' פרשת וישב, י"ז כסליו, שנת תשע"ט לפרט קטן


 


לכבוד מיין טייערער ... נרו יאיר.


איך דאנק דיר פארן העלפן די ישיבה מיטן געבן פאר די רענט פון דעם חודש ... דאללער; דער אייבערשטער זאל דיר העלפן אין זכות פון די מצוה זאלסטו מצליח זיין אין אלע דיינע וועגן.


איך בין יעצט אויפן וועג קיין אומאן; איך בין היינט געווען אין יבניאל ביי דיין ברודער האברך ... נרו יאיר, ער האט צוגעגרייט א פרישטאג פאר מיר און פאר מיין משפחה. איך האב זייער הנאה געהאט צו זיין ביי אים אין שטוב, זיין גאנצע לעבן איז הפצה.


הלוואי זאלסטו אויך עוסק זיין אין הפצה; מיר לעבן נישט אויף צו לאנג, די גאנצע לעבן פון א מענטש איז א קארגע זיבעציג יאר, און דאס ביסל יארן וואס מיר לעבן איז פול מיט עגמת נפש און יסורים. וואס בלייבט אבער יא פונעם גאנצן מענטש? א טובה וואס מען האט געטון פאר א צווייטן איד, דאס וואס מען האט אריינגעשיינט אין א צווייטן איד אז עס איז דא א באשעפער אויף דער וועלט וכו'.


דעריבער וויל איך דיר מחזק זיין אז דו זאלסט עוסק זיין אין הצפה, אזוי וועסטו אויך האבן שפע און דו וועסט קענען ארויס גיין פון דיינע חובות.


ווי לאנג נעמט צו לערנען איין פרק משניות? צוויי מינוט, דריי מינוט; נו פארוואס זאלסטו נישט ארויסכאפן אינמיטן דיינע געשעפטן א פרק צוויי, דורכדעם וועט דיר גוט זיין אויף די וועלט און אויף יענע וועלט.


דיין ראש ישיבה.


...