בעזרת ה' יתברך
יום ד' פרשת וישלח, י"ג כסליו, שנת תשע"ט לפרט קטן
לכבוד מיין ליבער ... נרו יאיר.
איך שרייב דיר דעם בריוו פון הימל; איך זיץ יעצט אויפן פליגער אויפן וועג קיין ארץ ישראל. וויל איך דיר שטארקן דו זאלסט יעדן טאג קוקן צום הימל.
דער הייליגער רבי האט אמאל געפרעגט איינעם: "דו האסט שוין געקוקט היינט אויפן הימל?" ווי צו זאגן: 'דו טראכסט נאך פונעם אייבערשטן אדער נאר פון געלט, געלט, געלט?'
דו וואוינסט דאך אין קרית יואל; כאפ זיך ארויף יעדן טאג צום ציון, זאג דארט דעם "יום תהלים" און גיס זיך אויס דאס הארץ צום אייבערשטן.
דער הייליגער רבי האט אונז געגעבן די זיסע מתנה: "התבודדות", רעדן צום אייבערשטן כדבר איש אל רעהו און ווי א קינד צו זיינע עלטערן.
שטארק דיין ווייב תחי' זי זאל געבן נאך שיעורים אויף די פרויען האטליין.
א גרויסן דאנק פארן העלפן די ישיבה מיטן געבן פאר די רענט פון דעם חודש ... דאללער; דער אייבערשטער זאל העלפן אז בזכות די מצוה פון צדקה זאלסטו זוכה זיין צו מצליח זיין אין אלע דיינע וועגן.
...