בעזרת ה' יתברך - יום ג' פרשת שלח, כ"א סיון, שנת תשפ"ה לפרט קטן
לכבוד מיין טייערער ... נרו יאיר
זיי שטארק מיט אנטון תפילין יעדן טאג, הויב נישט אן ארבעטן איידער דו גייסט אין שול דאווענען, אויך זאלסטו אנטון ציצית, דאס וועט זיין א שמירה פאר דיר.
כאפ זיך אריבער צום ריבניצער רבי'ס ציון, זאג דארט די תיקון הכללי און זיי זיך מתוודה פארן אייבערשטן און וויין מיט הייסע טרערן דו זאלסט זוכה זיין צו תשובה שלימה, פאררעכטן אלעס און מער נישט זינדיגן. דער רבי זאגט (ספר המדות אות צדיק, סימן קעג): "עַל יְדֵי הִשְׁתַּטְחוּת עַל קִבְרֵי הַצַּדִּיקִים, הַקָדוֹשׁ בָּרוּךְ הוּא עוֹשֶֹה לוֹ טוֹבוֹת, אַף עַל פִּי שֶׁאֵינוֹ רָאוּי לְכַךְ", ביי קברי צדיקים קען מען פועל'ן אפילו דער וואס מען נעמט נישט אן זיינע תפילות.
דעם פאריגן שבת ביי פתיחת הארון האב איך אסאך געבעטן פאר דיר.