בעזרת ה' יתברך - ד' פרשת משפטים, כ"ב שבט, שנת תשפ"ה לפרט קטן
מרת ... תחי'
איך האב ערהאלטן אייער בריוו.
איך פריי זיך זייער צו הערן אז מען האט שוין באשטימט א טאג פאר די חתונה פון אייער טאכטער תחי'; דער אייבערשטער זאל העלפן דאס יונג פארל זאלן לעבן מיט ליבשאפט און פרידן, און זאלן אויפשטעלן ערליכע אידישע דורות.
בנוגע ביי וועם זי זאל גיין לערנען וכו'; ביי די פרוי מרת לעווי פון בני ברק די לערערין אין בית פיגא, זי וועט איר לערנען און אנגרייטן אויף אלעס וואס א אידישע ערליכע פרוי דארף וויסן אויף די חתונה, זי איז אונזער כלה לערערין אין ארץ ישראל.
דער עיקר זאלט איר נישט אויפהערן דאנקען דעם אייבערשטן אויף די חסדים וואס ער טוט מיט ענק, ווי מער מען דאנקט דעם אייבערשטן - אלץ מער כח באקומט מען, אלץ מער שיינט די זיסע געשמאקע איינגענעמע ליכטיגקייט פונעם אייבערשטן.
דער אייבערשטער זאל העלפן איר זאלט האבן הצלחה אין אלע ענינים.