בעזרת ה' יתברך - יום א' פרשת נשא ב' (בהעלותך בא"י), ח' סיון, אסרו חג, שנת תשפ"ו לפרט קטן
... נרו יאיר
איך האב זייער הנאה געהאט צו זיין שבועות אינאיינעם מיט דיר, מיט דיין משפחה – אין שטעטל, מיט אנשי שלומינו; מיר וועלן זוכה זיין צו די תיקונים וואס דער הייליגער רבי האט געזאגט, אז ווער עס וועט זיין דריי מאל א יאר ביי אים, ראש השנה, שבת חנוכה און יום טוב שבועות – וועט ניצול ווערן פון עונש עולם התוהו רחמנא לצלן.
א גרוס פון דיינע קינדער, איך האב זיי זייער ליב, און אפילו זיי טוען אמאל מעשה ילדות, מעשה קטנות – דאך איז די אהבה שטערקער, און אזוי, אז זיי האבן א ראש ישיבה וואס ליבט זיי און זעט גוט אין זיי – וואקסן זיי לשם ולתפארת; מוהרא"ש זאגט, ליבשאפט איז די סוד פון הצלחה; סיי מיט קינדער, סיי מיט תלמידים, שלום בית, וכדומה; מוהרא"ש דערציילט, מען האט געפרעגט דעם הייליגן צדיק דער אהבת ישראל פון וויזניץ זכותו יגן עלינו, ווען ער איז געגאנגען וואוינען אינעם שטאט גרויסווארדיין, היתכן צו וואוינען אין אזא פארגרעבטע פלאץ? האט ער געזאגט: "מיט ליבשאפט וועל איך מאכן אלע פאר גרויסע ערליכע אידן", וכן הוה.
דאס איז די יסוד פון ברסלב'ע חסידות, קוקן גוט אויף זיך, אויף די ווייב (אויף די מאן), אויף די קינדער, (א גבאי אויף די מתפללים), אויף די שכנים, און אזוי ווייטער.