בעזרת ה' יתברך
יום ד' פרשת נשא, ח' סיון, שנת תשפ"א לפרט קטן
לכבוד ... נרו יאיר
איך האב זייער הנאה פון די בילדער וואס דו שיקסט מיר פון ענקער חבורה; עס איז א גרויסע זכות וואס דו טוסט, אז דו נעמסט צאם אינגעלייט און בחורים זיך מחזק זיין מיט די עצות און חיזוק פון רבי'ן.
קענסט געבן עסן און טרינקען.
ווען דו שפילסט אויף א שיעור זאל עס זיין מיט דרך ארץ; מען זאל זיצן שטיל, נאר אזוי וועט איר קענען מקבל זיין; אויב מען שמועסט בשעת'ן שיעור איז א שאד די צייט, מען מוז זיצן מיט דרך ארץ כדי צו קענען מקבל זיין.
אויך זאלט איר רעדן צווישן זיך; יעדע וואך זאל א צווייטער דערציילן זיין סיפור התקרבות, יעדער איינער פון אנשי שלומינו האט שיינע סיפורים צו דערציילן, געבט נאר אכטונג מען זאל נישט רעדן פון געלט און פון אנדערע נארישקייטן.
שיק מיר בילדער פון די חבורה פון יעדע וואך.
דער אייבערשטער זאל העלפן זאלסט האבן הצלחה אין אלע ענינים.