בעזרת ה' יתברך - יום א' פרשת פנחס, י"ג תמוז, שנת תשפ"ו לפרט קטן
לכבוד ... נרו יאיר
זיי זיך מקבל נישט צו רעדן ביים דאווענען, אז מען רעדט ביים דאווענען מאכט מען זיך שאדן, מען מאכט זיך אליינס שלעכט, די תפילות ווערן געלייגט אין א זייט, מען מאכט זיך אליינס שאדן.
רעד נישט אין שול; באזונדער בעט איך דיר אז ביי אונזער שול זאלסטו נישט רעדן, ביי אונז איז דא משפחות וואס דארפן גרויסע ישועות, אינגעלייט ווארטן אויף קינדער, עלטערן ווארטן אויף נחת, אזויפיל דארפן א ישועה אין פרנסה; און מיטן רעדן ביים דאווענען מאכט מען פאר אלע שאדן, און איך אליינס דארף אויך ישועות.
איך בעט דיר זייער רעד נישט ביים דאווענען, און אז עס מאכט זיך א וויכטיגע זאך – זאלסטו גיין אין פאליש, גיי ארויס פון שול ערלעדיגן די זאכן.
ובחנוני נא בזאת, אז דו דארפסט א ישועה, דו ווארטסט אויף א ישועה; אז דו וועסט פארמאכן דיין מויל, נישט רעדן און נישט אויסהערן ווי אנדערע רעדן – וועסטו גלייך געהאלפן ווערן.
דער אייבערשטער זאל העלפן זאלסט האבן הצלחה אין אלע ענינים.