בעזרת ה' יתברך - יום ד' פרשת תזריע, ב' ניסן, שנת תשפ"ד לפרט קטן
לכבוד מיין טייערער ליבער ... נרו יאיר
פסח ווען מען עסט די הייליגע מצות – ווערט מען אויסגעהיילט בגוף ובנפש, דער הייליגער זוהר רופט אן די מצות "מיכלא דאסותא", עסן וואס היילט (פרשת בא, מא.), אויך מיטן נאמען "מיכלא דמהימנותא", עסן וואס ברענגט אמונה (פרשת תצוה, קפג:); בזכות די הייליגע מצה, די הייליגע יום טוב – זאלסטו צוריק קומען צו דיינע כוחות, זיין געזונט און שטארק, דו און דיין ווייב, אויך דיינע דורות.
זיי מקפיד יעדן טאג ווען דו קומסט אהיים צו טאנצן א קאדאטשקע, צינד אן הויך ניגוני אמונה, "ממלא כל עלמין וסובב כל עלמין", און טאנץ א קאדאטשקע מיט דיינע קינדער, דאס וועט העלפן פאר א געזונטע גייסט, א רואיגע נפש.
א פרייליכן יום טוב.