בעזרת ה' יתברך
יום ד' פרשת נשא, ט' סיון, שנת תשפ"ב לפרט קטן
טייערער ... נרו יאיר
יעדע חודש ברענגען מיר די גבאים וואס נעמען צאם פון אנשי שלומינו צדקה פאר די רענט פון די ישיבה א ליסטע פון אלע נעמען ווער עס געבט און וויפיל מען געבט; איך פריי זיך צו זען דיין נאמען, איך האב דיר שוין לאנג נישט געזען, פריי זיך זיך כאטש צו זען דיין נאמען אז דו האסט נאך די געפיל צו העלפן די ישיבה וואו דו האסט געלערנט.
איך האף אז דו לערנסט נאך משניות; אמאל פלעגסטו מיר שרייבן יעדע מאל דו האסט מסיים געווען משניות, דאס האט מיר זייער מחי' געווען. משניות וועט דיר אויסלייזן פון דיין גלות. חכמינו זכרונם לברכה זאגן (ויקרא רבה ז, ג): "אֵין כָּל הַגָּלֻיּוֹת הַלָּלוּ מִתְכַּנְסוֹת אֶלָּא בִּזְכוּת מִשְׁנָיוֹת".