בעזרת ה' יתברך - יום ד' פרשת כי תבוא לאומאן, ט"ו אלול, שנת תשפ"ד לפרט קטן
לכבוד מיין טייערער ... נרו יאיר
איך וויל דיר בעטן זאלסט נישט ברענגען אין שול קיין ברוינפן; עס איז א תקנה וואס מוהרא"ש האט אוועק געשטעלט אין אלע שולן היכל הקודש נישט צו ברענגען קיין ברוינפן. אפילו ווען מען האלט שוין נאכן דאווענען, נאך סיפורי מעשיות און רוב עולם איז שוין אהיים - זאל מען נישט ניצן די שול צו טרינקען וכו'.
העלף מיר בויען די שטעטל; וואס דו טוסט ביי דיר אין שטוב - דארט רעדט איך נישט אריין, דארט דארף מען אויך אכטונג געבן די שבת סעודות זאל זיין מיט יראת שמים, די קינדער זאלן זען שיינע שבת סעודות וכו' וכו', אבער אין שול וויל איך דיר בעטן נישט צו ברענגען קיין משקה המשכר. איך ווארט זאלסט מיר צוריק שרייבן אז דו וועסט אזוי טון, און דו וועסט מיר העלפן בויען אונזער שיינע שטעטל קרית ברסלב, און איך וועל מיך נישט דארפן שעמען אויף יענע וועלט פון מוהרא"ש און פון אלע צדיקים.
דער אייבערשטער זאל העלפן זאלסט האבן הצלחה אין אלע ענינים.
א כתיבה וחתימה טובה, א גוט געבענטשט יאר.