בעזרת ה' יתברך
יום ה' פרשת קדושים, ד' אייר, י"ט לעומר, שנת תשפ"ב לפרט קטן
לכבוד מיין טייערער ... נרו יאיר
שטארק זיך, ברסלב'ער חסידות איז די איינע ווארט: "זיך שטארקן", נישט זיך נאכלאזן, נישט בלייבן ליגן, נאר זיך אויפהייבן.
מוהרא"ש דערציילט אונז, ער האט געהערט פון אן עלטערער ברסלב'ער איד זיין סיפור התקרבות. ער איז געווען אין פוילן און געזוכט א מנין מנחה פאר די שקיעה, מען האט אים געזאגט אז די ברסלב'ע דאווענען מנחה פאר די שקיעה, איז ער געגאנגען אין די ברסלב'ע שטיבל. הערט ער דארט ווי איינער זאגט פאר'ן צווייטן: "ברודער, ביסט געפאלן? הייב זיך אויף! דער רבי האט אונז געלערנט אז מען פאלט הייבט מען זיך אויף, כי נפלתי קמתי"; די ווערטער האט יענער איבערגעזאגט איינמאל און נאכאמאל, דאס האט פאר דעם איד זייער געפאלן, ער האט מחליט געווען צו ווערן א ברסלב'ער חסיד; איך דארף א רבי זאל מיר דאס זאגן: "ביסט געפאלן? הייב זיך אויף!"
ברודער, מיר דארפן זיך זייער פרייען אז מיר זענען מקורב צו אזא רבי.