בעזרת ה' יתברך - יום ב' פרשת ויחי, ט' טבת, שנת תשפ"ו לפרט קטן
... נרו יאיר
ביי די סעודות שבת זאלסטו זיך נישט פארטיפן אין לערנען, זינג מיט דיינע קינדער זמירות שבת, און אז די קליינע קינדער זענען פארשפילט מיט זייערע שפילצייג – זאלסטו שמועסן מיט דיין ווייב, דערצייל איר שיינע זאכן פון די פרשה, מעשיות פון מדרשים, און וואס דו האסט געהערט ביי די ליל שישי שיעור, אבער פארטיף זיך נישט אין לערנען.
מוהרא"ש פלעגט לערנען א שטיקל פון ספר הקדוש נועם אלימלך; דאס קענסטו טון אבער נישט מער פון דעם.
מוהרא"ש פלעגט דערציילן פון אן אדם גדול וואס האט שפעטער געזאגט אז ער האט חרטה פארן לערנען ביי די סעודות שבת, ער וואלט זיך ווען געדארפט מער אראפלאזן צו זיין משפחה, צו די קינדער.
מיט די הקדמות פון רבי'ן, לויט ווי מיר האבן מקבל געווען פון מוהרא"ש קען מען פון אלע שמועסן, נייעס, וועלטליכע נייעס – מאכן כלים צו מקרב זיין מענטשן צום אייבערשטן, דורך אלעס מקשר זיין מיט אמונה און מיטן צדיק.
איך בין יעצט אויפן פליגער, איך פאר קיין ארץ ישראל מחזק זיין אנשי שלומינו און מתפלל זיין פאר אונז אלע.