בעזרת ה' יתברך
ב' פרשת בהעלותך, ט"ו סיון, שנת תשפ"ב לפרט קטן
לכבוד מיין טייערער ... נרו יאיר
איך בין זייער מיד, עס איז שוין שפעט ביינאכט, אבער איך קען זיך נישט לייגן שלאפן איידער איך שרייב דיר.
דער מלמד ... שרייבט מיר ער האט אהיים געשיקט א קינד פון חדר פאר'ן רעדן ניבול פה.
איך ווייס נישט פון וועמען ער רעדט און וואס דער קינד האט גערעדט, אבער א מלמד דארף וויסן אז מען שיקט נישט אהיים א קינד; נישטא אזא זאך אהיים שיקן א קינד, אויב איז דא א פראבלעם דארף ער דאס דורך רעדן מיט'ן מנהל, און דער מנהל איז מחליט מיט די עלטערן וואס צו טון.
ווי עס זעט מיר אויס ווייסט ער נאכנישט אזוי פינקטליך וכו'; רעד צו אים שיין, זאג אים נישטא אזא זאך אהיים שיקן א קינד. מען דארף אויפבויען די קינדער זאלן רעדן איידל, מען דארף טאקע זיין שטרענג, אבער מען דארף וויסן ווי אזוי צו נוצן די שטרענגקייט.
איך וועל רעדן מיט דיר מארגן מער באריכות.