בעזרת ה' יתברך - יום ה' פרשת עקב, כ' מנחם-אב, שנת תשפ"ה לפרט קטן
מרת ... תחי'
אויב אייך איז מער איינגענעם צו גיין האבן דעם קינד מיט אייער מאמע – איז אוודאי גוט צו גיין מיט די מאמע, ווייל עס ווערט גע'פסק'נט אזוי אין הלכה, אז מען מעג אפילו מחלל שבת זיין אויב די פרוי זאגט אז זי דארף האבן מיט זיך געוויסע מענטשן.
גייט מיט אייער מאמע, און דער אייבערשטער זאל העלפן אלעס זאל זיין בנקל ובנחת.
מזמור לתודה איז די סגולה צו האבן גרינג, אזוי זאגט דער רבי (לקוטי מוהר"ן חלק ב', סימן ב), דאס דאנקען און לויבן דעם אייבערשטן – העלפט געבוירן, עס נעמט אוועק די מקטריגים, אלע טויערן עפענען זיך.
וואויל איז דעם מענטש וואס לעבט מיט דאנקען דעם אייבערשטן, מען איז זוכה צו אלע ישועות.