בעזרת ה' יתברך - יום ה' פרשת וארא, שובבי"ם, ראש חודש שבט, שנת תשפ"ד לפרט קטן
לכבוד מיין טייערער ... נרו יאיר, קרית ברסלב
אז דו פרעגסט מיר וועגן די ארבעט; ענדערש זאלסטו בלייבן אן ארבעט ווי צו ארבעטן דארט, עס איז עקלדיג צו הערן אזא זאך, א מיידל זאל מענידזשן אינגעלייט; זאג זיך אפ פון די ארבעט.
דו וועסט זיכער טרעפן א כשר'ע ארבעט, א ריינע פלאץ מיט יראת שמים. פאלג מיך, גיי שוין אוועק פון די ארבעט.
די אלע אמעריקאנע אידן וואס האבן פארלוירן זייער דזשאב צוליב שמירת שבת – די האבן איבערגעלאזט דורות נאמנים לשם, אזוי אויך מיט די היינטיגע נסיונות; די וואס קוקן נישט אויף גארנישט, זיי זענען גרייט צו פארלירן פרנסה אבי צו בלייבן ערליך – נאר פון זיי וועט איבערבלייבן דורות נאמנים לשם.