בעזרת ה' יתברך - יום ד' פרשת שופטים, ג' אלול, שנת תשפ"ה לפרט קטן
... נרו יאיר
אז דיין טאכטער קומט אהיים צוביסן, אדער זי זאגט אז איינער האט איר געהאקט אין קאפ; זאלסטו ענדערש רופן די סקול ווי איידער די מאמע פונעם קינד וואס האט עס געטון, און אויב די טיטשער מאכט זיך נישט וויסנדיג - רופט מען די מנהלת. עס איז נישט כדאי צו רופן די מאמע פונעם קינד; ערשטנס, נישט אלע מאמעס ווייסן וואס צו טון, וואס וועט דאס העלפן, צווייטנס, עס קען ווערן א קריגעריי צווישן די עלטערן, (ווייל אזוי איז די טבע ביי מאמעס, אויב מען זאגט א קרום ווארט אויף איר טאכטער – נעמט מען דאס צום הארצן).
ווען איר צינדט די שבת לעכט זאלט איר בעטן פאר די קינדער, בלייבט ביי די לעכט און בעטס:
"הייליגער באשעפער, העלף מיר אז מיינע קינדער זאלן זיין געזונט, זיי זאלן זיין ערליך, זיי זאלן שיינען אין די תורה, זיי זאלן זיין צדיקים".
ווען די פרוי צינדט די לעכט זענען אפן די שערי שמים.