בעזרת ה' יתברך
יום ד' פרשת בלק, י"ג תמוז, שנת תשפ"א לפרט קטן
לכבוד מיין טייערער ... נרו יאיר, מלמד בקעמפ היכל הקודש ברסלב
די גוטע גרוסן הייבן אן קומען, די עלטערן זאגן אז זיי הערן פון די קול פון זייערע קינדער ווען זיי רופן אהיים – ווי צופרידן זיי זענען.
שטארק זיך אין די הייליגע ארבעט, עס איז טאקע שווערע ארבעט מיט קינדער, אבער עס איז אלץ כדאי, עס צאלט זיך אויס, די ארבעט גייט נישט לאיבוד. וואס וואלסטו געטון ווען דו ארבעטסט אין בויען הייזער? יעצט בויסטו אידישע שטובער, בויסט אויף אן ארמיי פאר'ן אייבערשטן.
איך וויל זייער שטארק קומען צו ענק לכל הפחות איינמאל א וואך, לאז מיר וויסן ווען עס איז א גוטע צייט, ווען עס איז געאייגנט צו קומען רעדן צו די קינדער.